大婆牛肉麵 (已結業)

入到餐厅，大约坐咗一半人坐。我同友人想打横坐，冇哂２人位，所有位都要搭枱。最后拣咗坐八人枱的最左边两个位，张枱仲有１个人加佢个袋"坐"响度。个员工（应该系睇场级数的阿姐）走埋嚟话一定要我地打对面坐。我地话坐住先，一阵多人先调位，我地拉锯咗一阵，佢都唔肯俾我地坐响度，系都要我地调去四人位度，最后调咗啦。ＯＫ，我就信你一阵全场爆满。点餐，点了细牛肉面（＄５１）同埋云吞上海面（＄４５）。牛肉面啲牛肉都几腍同入味，个汤就好油，面质好似浸太耐了，好腍；云吞上海面：哇，得２粒云吞，仲少过十几蚊一碗𠮶啲㖞！佢仲要价值＄４５，𠮶两粒云吞真系贵，又唔好食。侍应放低碗面时，就咁放响一边，唔系放去我地面前，仲要好大力咁放低　当人地仲有成半碗，佢都可以唔问一句就收人地啲嘢，见到唔止一次添，几个侍应都系咁！冇再帮衬的必要，食到一肚气呀！