好湯好麵

营业中

休息中

传闻传得热辣辣既好汤好面，听左劲耐话系五星级大厨下凡开既面店，终于有机会黎试下啦！今日唔知系好彩定咩呢，只系等左一张枱，5分钟左右，间铺细细间，所以中家都快手快脚食完就俾返个位下一位。叫左最出名既黑口黑面，面如其名，黑系墨汁汤底来的，一黎就饮左一啖汤，好鲜甜，系好浓郁既！墨鱼仔都好新鲜，我最喜欢系个墨丸，似系手打😘😘之后同行朋友叫左个牛面(好似叫好头好尾)，有牛面肉同牛尾，认真个牛面肉好好食，食完之后个咀会浆住，好有胶质既感觉！煮得好淋，怕牛韧既朋友都唔使担心😆个汤亦都系好浓郁的牛骨汤，好好饮。讲左咁耐，冇讲过个面，因为我个人觉得个面系个败笔点。佢个面似系上海面果种(其实我唔太识分)都唔算系好幼身，煮果时又唔系系个浓汤度煮，所以个面系冇咩味，面同汤分得好开既感觉，要keep住食面果时食一啖面再灌一啖汤入口，好怪。个人觉得如果佢个汤再整『杰』身少少，好似日式沾面做到挂汤果种，或者换只幼身d既面，可能会好d。