小胖台灣便當 (偉華中心)

营业中

休息中

最近都几多人介绍呢间小胖台湾便当，咁啱去开沙田就买返屋企做晚餐，呢度嘅餐牌简而精，主食有六款🥩🍖🍗牛猪鸡嘅台湾地道便当或面食选择，外卖便当包装用心，配有几款伴菜，卖相精美，一打开都特别开胃。🥩万华网烤牛肉（$72）- 牛肉系用左薄身嘅牛扒，口感软熟配上微甜嘅酱汁，送饭一流。🍗士林盐酥大鸡腿（$62）- 盐酥鸡腿用纸袋分开上保持松脆口感👍🏻盐酥香气十足，肉身够厚实，肉汁丰富。便当本身已经好丰富，如果想再丰富啲可加$12追加小食，我哋加咗🍠梅香脆地瓜 （$12）同🍗九层塔鸡翼 （$12），两款味道都有水准。另外餐厅仲有大概10款台式小食供应。每款主食附送🍵冷泡绿茶/焙茶/热金橘柠檬茶。两款冷泡茶都茶味甘香，可以解解腻。呢间餐厅性价比算高，难怪平日六点几已经好多人买外卖，见到佢嘅汤面都系分汤上仲有麻辣味，下次会试吓。