影片
更多
2009-04-20
41 浏览
本来想去公司楼下嘅碗屋，但系可能因为系爸爸节，全院满座，最多只可以比到吧枱位，冇理由带住两老去坐吧枱嘅，所以一朝早拿拿淋订咗几间日本菜，最后决定去置地Basement呢间贺菊日本料理，又系美心集团。去到，舖位唔显眼，但系入面啲位同通道都好阔落。餐厅系做传统日本料理，有齐应有嘅种类，我地食咗啲咩......睇吓就知：1. Sake KIKU - sake, peach schnapps, orange, grenadine. 真系未饮过，沟咗果汁嘅味道几浓，未试过用Sake做嘅cocktail...就一定要试试。1. 松叶蟹肉粉丝风味沙律 - 落咗好多蟹肉，有一片片忙果肉，底下有好粗嘅粉丝同埋青瓜丝，面头有紫菜条同埋啲天妇罗嘅脆粉粒，感觉好新鲜，蟹肉真系好鲜甜。2. 上刺身拼盘 - 有六款，每款两件，总共十二件刺身，红吞拿冇咩特别，甜虾就真系好鲜甜，三文鱼大大件，脂肪比例同分怖好均衡，带子真系又大好甜，仲有两款唔知叫咩名嘅鱼，但系就好有鱼嘅鲜味.....一流，连妈咪唔大好鱼生都赞。3. 炸鲜蟹脚拖罗沙律卷 - 大家入口之后嘅第一个感觉，都系好好味。讲真.....真系好好味，连妈妈唔多钟
餐厅系做传统日本料理，有齐应有嘅种类，我地食咗啲咩......睇吓就知：
1. Sake KIKU - sake, peach schnapps, orange, grenadine. 真系未饮过，沟咗果汁嘅味道几浓，未试过用Sake做嘅cocktail...就一定要试试。
1. 松叶蟹肉粉丝风味沙律 - 落咗好多蟹肉，有一片片忙果肉，底下有好粗嘅粉丝同埋青瓜丝，面头有紫菜条同埋啲天妇罗嘅脆粉粒，感觉好新鲜，蟹肉真系好鲜甜。
2. 上刺身拼盘 - 有六款，每款两件，总共十二件刺身，红吞拿冇咩特别，甜虾就真系好鲜甜，三文鱼大大件，脂肪比例同分怖好均衡，带子真系又大好甜，仲有两款唔知叫咩名嘅鱼，但系就好有鱼嘅鲜味.....一流，连妈咪唔大好鱼生都赞。
3. 炸鲜蟹脚拖罗沙律卷 - 大家入口之后嘅第一个感觉，都系好好味。讲真.....真系好好味，连妈妈唔多钟意吃卷物，但都赞不绝口。入面有炸蟹脚，佢唔系用炸虾，感觉冇咁腻，又用上拖罗，而唔系一般嘅吞拿，拖罗嘅味道真系一流，好肥美，好甘，最重要系拖罗隔离仲有沙律，令你唔会觉得好滞。成个卷物最成功之处系有炸嘢亦有生嘢，有肥嘅嘢，亦有酸嘢去中和返，整体感觉好平衡，有创意之余，又不失传统风格，真系佩服个厨。
4. 盐烧三文鱼头 - 虽然冇咩特别，但系鱼入面嘅油脂同肉，都系啱啱好，唔会过肥，而师传亦烧得唔会过浓，系用心之作。
5. 牛仔肉扒陶板烧 - 好特别，我地专登唔叫一般喺街都食到嘅牛肉薄烧或者牛肉金菇呢类，真系不负众望，旧肉起码有6-8安士，份量十足，脂坊比例啱啱好，虽然未至予去到和牛嘅级别，但系都真系材料上承，配上烧过嘅洋葱、大葱及大蒜。缺点系我地要medium，而佢似乎煮得过熟，起码去到七至八成，因为已经冇血水了。
6. 银鳕鱼西京烧 - 虽然系普通菜式，但系材料好好，真系好嫰好滑，𠮶汁薄薄的，但系好够味，带出鱼嘅鲜味。
7. 和牛海胆香蒜炒饭 - 虽然海胆对于我屋企人嚟讲唔系咁啱胃口，但系个饭炒得好靓，饭粒嘅软硬适中，而且落足料，睇得出个厨落和牛同海胆绝不手软，每一啖饭都满怖和牛同海胆，口感一流。
Comments: 差不多冇咩可以挑剔。真系好丰富嘅一顿晚餐，屋企人完全嘅满意。环境宽敞，服务态度一流，有机会希望可以试埋其他菜式，下次有机会一定再去。
张贴
