職人食事 (已搬遷) 新店位置

友人推荐呢间工厦入面嘅黄小店，都真系几有工厂饭堂feel🤨, 堂食位同厨房系打对面两个单位，无人接待，自己揾位坐低睇menu，再行去对面厨房门口落单俾钱，茶水，餐具自取，要茶包就要放低2蚊一个，隔离个碗仔好多个两蚊👍🏻，真香港人好自律嘅。友人叫左剌身并盘加个白饭，有几款贵价剌身，油甘鱼，剑鱼腩，珍宝带子，有头甜虾，仲有海胆，不过少贵$250蚊，样样都新鲜鲜甜，份量都足。我发现有西餐之后，就叫左个俄罗斯忌廉牛肉宽条面再加30蚊转餐有齐沙律，汤，饮品，呢个性价比好高，靓仔话呢个宽条面系即刻整所以等耐d，我完全唔介意等多阵。宽条面份量好足，忌廉汁浓稠好香，而且食到微酸，应该有加酸忌廉，虽然我唔知系咩牛肉，但有好多旧，同有牛味而且滑，完全唔un,食到咁上下真系几漏，但又好味㖞。另外我哋再叫左烧油甘鱼较，劲大旧啰，$75蚊咁大旧好扺食，而且烧得唔错，个汁少少酸几好味㗎，另外鸡泡鱼干系本人喜爱，味道正常。下次会再帮衬，试其他西式野。