Shari Shari Kakigori House 氷屋 (已搬遷) 新店位置

第三次嚟食冰，七点几都系排长龙。不过因为刨冰唔放得耐，所以排队都唔洗排好耐。每次都话要试新味，但最后都系拣返伯爵奶茶味，始终抵抗唔住茶味嘅甜品，如果佢迟吓出埋焙茶味、乌龙茶味、玄米茶味就好喇😍每张枱都贴咗张纸，提醒客人冰好快融，要打卡影相影廿秒好喇，同埋要由顶顶开始食，唔系好易倒塌～伯爵奶茶味道好fresh，中间有啲饼碎，最底有旧奶冻，几有层次，钟意茶味唔好错过。芒果热情果味见佢新出所以试吓，呢个有好多芒果肉，但对比之下佢比较甜又比较酸，我都系钟意伯爵奶茶多啲。