樂園牛丸大王 (已結業)

同朋友去睇戏，见到时间剩返唔系好多，又唔想系呢个大时大节比人锯到一颈血。所以就去咗乐园度食，四个人点了黑椒牛丸河、牛筋腩河、两碗鱼皮饺拼墨鱼丸面、介兰同炸鱼饼再加两杯野饮。啲面一黎，第一个感觉就系，有无咁细碗呀……一个正常男性如果只系食一碗面，一定会饿死。以为双拼会大碗小小啦，但系都系咁细碗。 黑椒牛丸河啲牛丸真系好弹口，相比之下，普通面店啲牛丸就真系淋啲。果然不失牛丸大王之名。但系个汤底似乎普通咗啲，无咩特色。 牛筋腩河，睇落同食落都好「鞋」，比起牛丸，就真系失色咗啲。鱼饼有小小惊喜，本来谂住鱼饼唔会太出色，但系食落爽口，四个人一人一件份量啱啱好，有中上水准。