蘇媽.蘇媽馬來西亞茶餐室 (已結業)

自从上次带朋友仔去食苏妈。苏妈后，搞到佢成日都话要再去食，好啦今日又同佢去食苏妈。苏妈啦，今次就来到铜锣湾苏妈。苏妈，环境同土尖沙咀一样都系好怀旧好有老香港的情怀。Nasi Lemak 配仁当牛肉上次食完后劲爱佢呢个Nasi Lemak就而仁当牛肉味道都好似我细个时妈妈整比我食印尼巴东牛肉好相似，好好味。好似食返童年的回忆咁。椰香咖央多士上次来食海南鸳鸯烧面包劲钟意佢的咖央酱，但我今次就叫左椰香咖央多士，面包系平时咭司再加上自家制班籣咖央酱及牛油真系好鬼夹。鱼仔酱萝卜糕萝卜糕系我最爱的食物，但我成日都觉得萝卜糕要自己整先好食的，但当我食完呢个鱼仔酱萝卜糕令我改观晒，佢果鱼仔酱有少少辣好鬼野味。槟城香炸卤肉卷呢个肉卷炸得外皮好香脆，肉卷内有埋啲芋头好特别呀,。