太平館餐廳

营业中

休息中

几年冇嚟，突然间谂起，就即管试吓。感觉冇乜特别，冇差到，反而我觉得服务仲几好添。记得上次嚟，仲要喺楼梯排队等位，今次当然唔使，不过上到去都有八成枱系有人坐嘅，未至于太冷清。今晚唔系太肚饿，所以冇叫套餐，只系散叫咗干炒牛河、焗蟹盖、乳鸽。干炒牛河今晚煮得几好味，唔太油，河粉够干身，几香。焗蟹盖就最欣赏嘅，百食不厌，口感丰富，满满嘅蟹肉酿咗落个蟹盖🦀度，焗得好香👍🏻。乳鸽都冇退步到，好钟意佢哋将乳鸽内脏另上，再配上美味嘅汁，虽然知道胆固醇高，但系都忍唔住食晒😜餐厅内嘅服务员大多数系上咗年纪嘅，但佢哋都招呼周到，每一枱客走佢哋都会即刻用吸尘机吸走啲垃圾，亦都成日埋嚟主动添茶同埋更换餐具，服务都算贴心。