極品泰國菜館

营业中

休息中

今晚喺外卖平台嗌咗4样嘢：- 柚子沙律- 香叶牛肉炒河- 盐烤乌头- 芒果糯米饭先讲柚子沙律，虾、柚子正常，新鲜，但冇汁，食咁多次泰菜，从未试过冇汁嘅柚子沙律。哩道菜仲可以接受，因为柚子同沙律本先可以就咁食。然后到香叶牛肉炒河，见其他食评话炒河唔油，今晚又想食镬气嘢。点知个炒河镬气欠奉，但就超油。调味正常，但全兜嘢好似厨余咁，河粉碎，红萝卜唔新鲜有啲好似烂咗，一路食一路觉得恶心。烤乌头，一揭开块皮见到出晒烟，原本以为好好食，点知食落似煲汤瘦肉好柴，亦因为over-cooked，冇晒鱼味，食食下发现内脏都冇清，真心好核突。 芒果糯米饭，乜味都冇，芒果淋到霉。全部食物食咗一半都冇，嘥钱之余嘥埋等候时间。