Just Steak by Cow Bean

营业中

休息中

星期日谂住同屋企人出街食午餐，唔好再饮茶，行过呢间见到有weekend lunch Menu，又未试过就入咗嚟试吓。老窦食咗个鲭鱼炸虾乌冬，佢话鲭鱼好腥，但系炸虾都OK。妈咪食咗个牛肉寿喜烧定食，有三片牛肉，食落嘅味道就系茶餐厅照烧汁，超级超级甜。我食咗个牛肉黑松露铁板饭，上嚟啲牛系全生，等啲牛熟𠮶阵时，洋葱同粟米已经㶶晒。个饭好油，完全冇落盐，靠啲汁调味，但系啲汁太稀，倒咗上去蒸发晒。仲叫咗个冻滴咖啡，饮落去又系好甜，奶精味好重，同即溶咖啡冇分别，一个set $100嚟讲，佢都算系我食过最难食。原来香港而家嘅物价变做咁，唔怪得知啲人去食两𩠌饭就算。