大家樂

营业中

休息中

好耐冇落过大家乐打边炉啦！趁今晚阿妈都得闲就带埋佢落楼下间大家乐食返啦。阿妈叫咗个谷饲牛、豚肉锅猪骨汤底，冻柠乐。呢个餐附送嘅系菜盘同米线。我就食双份美国谷饲牛锅沙嗲汤底、冻柠乐。呢个餐附送嘅都系菜盘同米线，不过我就加钱将米线换做赞岐乌冬同埋额外火锅料拼盘。嚟啦嚟啦送到嚟啦！我份拼盘有一只饺子、一粒肉丸、一块炸鱼饼、少少菜、几条芝士肠同一碟仔炸鱼皮。准备好小弟秘制嘅酱汁～～立即开打啦！肥牛麻麻地，干咗啲老咗啲。跟住就系落啲拼盘嘢啦！总体嚟讲都算ok，最后啲菜都新鲜嘅。最后嘅最后一定系佢啲乌冬啦！临尾一定系用乌冬嚟收尾嘅。沙嗲汤底嘅乌冬都冇话唔正。