影片
更多
2023-09-11
72 浏览
📍KAKU (土瓜湾)🔍土瓜湾马头围道63号启岸1楼11号舖 -----朋友生完仔出月，去完探佢之后就顺道黎呢间西餐厅食饭。之前睇YouTube介绍，见到介绍话餐厅系用前米芝莲嘅法国厨师团队，价钱又唔贵，bookmark咗想去好耐，但土瓜湾又唔近屋企，托朋友仔嘅福，今次终于黎食到。周末有午市套餐，选择算颇多，全部有包餐汤/沙律及饮品。本来觉得价钱系土瓜湾黎讲唔算平，食完却觉得佢性价比好高。.餐汤系甘笋汤，饮落好甘甜好真材实料嘅感觉，浓稠度恰到好处，幼滑度极佳，无挑剔。沙律就正常几清新，二选一建议拣更有特色的汤。自家制餐包亦富惊喜，质感柔软，绵密的同时，亦富空气感，配搭海苔牛油，得一旧真心令人意犹未尽。🐷Iberico Pork Rackwith Seasonal Vegetable, Honey Mustard Sauce西班牙伊比利亚猪鞍配蜜糖芥末汁 $258挑剔唔到嘅Main，好耐冇食到咁优质嘅猪鞍，口感柔嫩无筋，猪味浓且油脂足，入口湿润，颜色粉嫩，肉质够松软。稀稠度适中嘅微微甜蜜糖芥末汁提味的同时又不抢去肉香味。🐟Snapper Roulade with Green Zucchi
🔍土瓜湾马头围道63号启岸1楼11号舖
-----
朋友生完仔出月，去完探佢之后就顺道黎呢间西餐厅食饭。之前睇YouTube介绍，见到介绍话餐厅系用前米芝莲嘅法国厨师团队，价钱又唔贵，bookmark咗想去好耐，但土瓜湾又唔近屋企，托朋友仔嘅福，今次终于黎食到。
周末有午市套餐，选择算颇多，全部有包餐汤/沙律及饮品。本来觉得价钱系土瓜湾黎讲唔算平，食完却觉得佢性价比好高。
.
餐汤系甘笋汤，饮落好甘甜好真材实料嘅感觉，浓稠度恰到好处，幼滑度极佳，无挑剔。沙律就正常几清新，二选一建议拣更有特色的汤。
自家制餐包亦富惊喜，质感柔软，绵密的同时，亦富空气感，配搭海苔牛油，得一旧真心令人意犹未尽。
🐷Iberico Pork Rack
with Seasonal Vegetable, Honey Mustard Sauce
西班牙伊比利亚猪鞍配蜜糖芥末汁 $258
挑剔唔到嘅Main，好耐冇食到咁优质嘅猪鞍，口感柔嫩无筋，猪味浓且油脂足，入口湿润，颜色粉嫩，肉质够松软。稀稠度适中嘅微微甜蜜糖芥末汁提味的同时又不抢去肉香味。
🐟Snapper Roulade with Green Zucchini, Ginger Cream Sauce
鲷鱼卷，意大利青瓜配姜味忌廉汁 $168
薯蓉奶滑非常，意式青瓜带少许姜味，几特别，鲷鱼鱼鲜味出众，不错。
跟餐免费饮品选择颇多，而且好多都富特色，例如有紫玫瑰花茶、血橙果粒茶、苹果姜果粒茶、夏威夷果粒茶等，但依然建议大家加$25
试下佢地嘅手冲咖啡，咖啡豆按时令更换，今次我饮嘅系阿拉伯咖啡豆，低酸香醇，尾段带甘甜，啡味浓郁得黎好柔和，令人饮得好舒服嘅感觉。
张贴
