香馥樓

营业中

休息中

收工行过铜锣湾，即刻上Openrice睇下有咩啱同fd食饭，见到呢间，餐厅好近地铁站，唔知系咪新开张，装修好新，座位又几好坐，无乜压廹感。睇左餐牌，可能新开张都几抵，好多宜家少见噶怀旧粤菜。拣佐下面几款试下［芥末墨鱼仔］墨鱼仔都算饱满同香脆，配埋芥末酱又几夹［脆皮烧鹅皇(例牌)］虽然系例牌，但份量都几多，肉厚有汁，个皮烧得都算脆口，夹埋个酱个鹅味出嗮。［咕噜凤梨黑毛猪肉］上菜哥阵，真系眼前一亮！大大粒咕噜肉隔离有只新鲜菠萝！最犀利系刁埋朵花系度做装饰，系有D心思。咕噜肉甜酸适中，啖啖肉。［香馥小炒皇］好够瓁气，又带子又鲜虾，鱿鱼同虾干等和韮菜花，呢个最考师傅功夫。最后叫左个红枣糕食得出唔系交货黎D行野，完美句号。