小曼谷泰國美食站

营业中

休息中

呀仔话想睇新📚书, 所以今晚放工后去左楼上书店买书然后到附近晚饭, 拣左呢间评价好好同可以网上订位既小曼谷泰国美食站。原来Tower 535地库有几间餐厅, 当中最受欢迎的是段纯贞牛肉面, 好多人排队。我地点左泰皇咖喱炒大蚬, 香芒蟹肉炒饭, 泰式蒜茸包同店员推介既椰皇沙冰。泰皇咖喱炒大蚬 - 食亲泰国菜必点菜色, 加入左蛋液同椰汁既黄咖喱, 味道香浓顺滑, 非常惹味, 最重要就是佢系一款泰国菜少有唔辣既咖喱。上菜既时候真系比佢既SIZE吓左一跳, 咖喱汁多到好似黎左个咖喱汤咁, 份量多到连我𠮶位食咩都要捞汁既老公都食唔晒。不过可惜, 厨师落左不少我唔钟意既姜丝系个咖喱汁入面, 第一次食咖喱食到咁多姜。泰式蒜茸包 - 推介, 最迟先上枱既蒜茸包, 绝对是即叫即焗, 烤得金黄酥脆, 蒜香味十足, 和泰式咖喱是绝配 。我每食一啖都哗一声，真系好好味，老公都话我夸张。香芒蟹肉炒饭 - 唔系好食到蟹肉既味道, 不过芒果非常香甜, 有诚意。椰皇沙冰 - 本来谂住嗌芒果沙冰，最后转嗌呢个由店员推介话系用新鲜🥥椰子打成既椰皇沙冰，果然无介绍错，非常清甜足料, 食到椰子肉粒粒。