影片
更多
2018-01-28
1965 浏览
最近Facebook， instagram 都有一家圆形的Omakase 好吸睛！原来系湾仔一家新开的日本菜，一睇OpenRice 心谂 「一开就咁多负评唔系呱」不过，从来都要试过先好下定论，经过上星期同屋企人食嘅一餐，今日我就同呢间有心的小店平反一下。喺门口大概等左半个钟嘅时间，就有位。一坐低，店员已经奉上人头份量嘅welcome drinks，诚意十足。当日我地嘅welcome drink系士多啤梨烧酒，小小一杯，来准备你投入这一餐丰盛嘅日本盛宴。嚟到呢一度，就梗系要试吓最近网上热爆嘅九段料理。出去食一餐厨师发办Omakase 都闲闲哋一千几百冇走鸡，但系呢度只系需要 $298，真心平过出面！鱼男九段盛刺身刺身是当天按时令而准备,每一款各有两至三件，每日不同，务求让客人食到最新鲜嘅飞机货。云云嘅鱼类之中，个人最惊喜的就系拖罗,一如以往地鱼油好多，入口即溶，真系想讲一句「shut up and take my money」。仲有海胆都系出乎意料之外唔腥，好高质！另外嘅刺身包括牡丹虾、针鱼、间八等等，不过如果可以下次上碟之前，店员可以略为介绍下刺身嘅名和食法就好啦！咁食客就可以认识更加
喺门口大概等左半个钟嘅时间，就有位。一坐低，店员已经奉上人头份量嘅welcome drinks，诚意十足。当日我地嘅welcome drink系士多啤梨烧酒，小小一杯，来准备你投入这一餐丰盛嘅日本盛宴。
嚟到呢一度，就梗系要试吓最近网上热爆嘅九段料理。出去食一餐厨师发办Omakase 都闲闲哋一千几百冇走鸡，但系呢度只系需要 $298，真心平过出面！
鱼男九段盛刺身
刺身是当天按时令而准备,每一款各有两至三件，每日不同，务求让客人食到最新鲜嘅飞机货。
云云嘅鱼类之中，个人最惊喜的就系拖罗,一如以往地鱼油好多，入口即溶，真系想讲一句「shut up and take my money」。仲有海胆都系出乎意料之外唔腥，好高质！另外嘅刺身包括牡丹虾、针鱼、间八等等，不过如果可以下次上碟之前，店员可以略为介绍下刺身嘅名和食法就好啦！咁食客就可以认识更加多！
有人话食一餐好的料理，就好似欣赏紧一件有厨师为你精心炮制嘅艺术品。相信见到呢张相,大家就明白个中嘅意思。叫两份九段料理，一份刺身，一份寿司。拼合一齐就有如此美丽嘅画面。
如果担心唔够饱，原来九段料理仲会跟埋鱼汤乌冬，戓角切刺身饭。鱼汤乌冬好弹牙，鲜甜嘅鱼汤令人好暖胃。相信食埋一定够晒饱。
鳗鱼饭定食
难得店员除咗推介寿司刺身推介，仲叫我地试吓呢一个鳗鱼饭，本身仲谂住鳗鱼饭嘅做法，来来去去都系差唔多，所以怀着半信半疑嘅心态去叫。但最后就好有惊喜。
定食中包括一碗面试汤和日式沙律。
好特别，鳗鱼饭比一层薄薄嘅蛋皮包住，一揭开见到有几件烧鳗唔似系平时我哋食开超级市场买𠮶啲，而系烧鳝嘅质地，肉质厚实，啖啖肉令人好满足。加埋烟韧的珍珠米，吸收晒浓厚鳗鱼汁，如果加埋薄切嘅蛋皮一齐食，蛋皮相信加左日本酒和味醂一齐煎，所以食落去甜甜地。感觉好有去左日本一样咁正！所以呢一个鳗鱼饭，的确值得好推介，系隐藏CP值极高嘅定食。另外，我哋仲叫咗一个鱼男丼，都系出自店员嘅推介。
一上枱吸引左两边其他食客嘅目光，重点除咗系刺身之外,仲有半只毛蟹！如果二三百几蚊呢个价钱，都尚算好抵食。店员会教埋你食法，可以先食蟹膏,后再交给店员拆好蟹脚，再慢慢食蟹肉。蟹膏甘香，而蟹肉十分鲜甜。碗饭都好大碗，加埋都有好多款刺身，同人分享都可以。
一路食嘅过程中，外边排队嘅人龙不绝，相信大家都系为咗九段料理而来。所以，所谓「真金不怕红炉火」，相信真正好食嘅餐厅，绝对唔怕负评嘅攻击，希望小店继续努力，用好味嘅食材战胜一切网上嘅负评。
张贴
