影片
更多
2022-09-22
146 浏览
今日去旺角攞部电器去维修。中间要等两个钟， 一条友揾咗附近一间外观几靓仔有几多好评嘅韩烧食下kill 下time.入到去,店员好热情装修有几型格,感觉不错. 我食$138午市放题，一坐低就摆低一盘牛五花同埋一盘杂肉俾我。观感上唔错😊一开始烧牛五花，味道一般但都可以啦百几蚊。跟住烧鸡翼，5秒内个铁板就干晒鸡翼连皮黐到实。 因铁板冇搽油的缘故超级黐底…成嚿肉都系黑色，咁我唯有放弃只鸡翼攞啲鸡皮啲油出嚟希望润返个铁板，先再烧猪扒。 好可惜佢啲猪扒好薄而且干无油份都冇亦都唔系好见同食到腌过嘅痕迹….一放落个铁板又系即时黐底㶶晒🥲🥲🥲忍唔住举手问店员系咩问题佢就话我块板冇加油，佢而家帮我加返…跟住我再烧，可能由于之前已经太多㶶咗嘅焦， 再烧咩嘢都系变黑色。 我都有啲唔好意思咁再举手问佢可唔可以帮我换个块板因为我真系食唔到…好彩佢都肯同我换。 来到新板系有少少油份，比之前嘅好…烧咗一阵都系有同样情况咁都算啦。唯一一次加单，要咗一块牛扒。 等咗20分钟都冇再催佢就嚟咗碟未融雪同见唔到有腌制过嘅所谓烧汁牛扒….一睇都觉得惊，究竟咩系烧汁😆。 算啦，照烧埋佢….一食落口真系难食到晕。 无肉味（有雪味）再
中间要等两个钟， 一条友揾咗附近一间外观几靓仔有几多好评嘅韩烧食下kill 下time.
入到去,店员好热情装修有几型格,感觉不错.
我食$138午市放题，一坐低就摆低一盘牛五花同埋一盘杂肉俾我。观感上唔错😊
一开始烧牛五花，味道一般但都可以啦百几蚊。
跟住烧鸡翼，5秒内个铁板就干晒鸡翼连皮黐到实。 因铁板冇搽油的缘故超级黐底…成嚿肉都系黑色，咁我唯有放弃只鸡翼攞啲鸡皮啲油出嚟希望润返个铁板，先再烧猪扒。 好可惜佢啲猪扒好薄而且干无油份都冇亦都唔系好见同食到腌过嘅痕迹….一放落个铁板又系即时黐底㶶晒🥲🥲🥲
忍唔住举手问店员系咩问题佢就话我块板冇加油，佢而家帮我加返…跟住我再烧，可能由于之前已经太多㶶咗嘅焦， 再烧咩嘢都系变黑色。 我都有啲唔好意思咁再举手问佢可唔可以帮我换个块板因为我真系食唔到…好彩佢都肯同我换。 来到新板系有少少油份，比之前嘅好…烧咗一阵都系有同样情况咁都算啦。
唯一一次加单，要咗一块牛扒。 等咗20分钟都冇再催佢就嚟咗碟未融雪同见唔到有腌制过嘅所谓烧汁牛扒….一睇都觉得惊，究竟咩系烧汁😆。 算啦，照烧埋佢….一食落口真系难食到晕。 无肉味（有雪味）再加埋黑色嘅炭焦…今餐真系冇乜食过嘢落到肚，全部都系焦㶶嘅肉。 坐隔篱枱嘅太太同我情况一样大家都系相视拧头，无话可说😶
总括嚟讲，只有碟牛五花系ok摆得落口因为有腌过又有油份。 我而家最想知点解呢间嘢可以有咁多个好评呢，系我唔好彩定系佢退步咗呢🤔
15 浏览
0 赞好
0 留言
韩式牛扒
5 浏览
0 赞好
0 留言
张贴
