Salamat Cafe (已結業)

平时weekend成日见呢间小店有人喺出面排队，今日星期日12点左右难得见到有位，即刻入嚟试吓食brunch。见到隔离枱份all day breakfast 超级丰富，所以叫咗份嚟试。先嚟一碗意大利牛肝菌汤，连个汤都做埋拉花，打咭一流！饮落口感浓郁，一早有个暖汤落肚，好满足！之后到主角all day breakfast。食过咁多间cafe, 呢间最抵食！$108少数有2只Benedict蛋，加烟三文鱼同多士一齐食，口感好match；肠仔烟肉呢啲咸料再配哈密瓜同沙律菜，好清新！最出色系块薯饼，外面炸到脆卜卜，入面薯仔竟然唔干身，略嫌太细块添！薯饼配茄汁豆，一绝！再配一杯咖啡，饮得出用心拣过嘅咖啡豆，同一般cafe好唔同。小店店面虽然唔多位，全程见到有人喺出面等位，下次要再嚟试其他主菜。