影片
更多
2013-09-08
127 浏览
咁快写食评通常只有两个原因，一系超好味想即刻推介，一系太差想即刻话比大家知，以消除心中嘅怨气，哈哈！ 今次好不幸系后者，但食物系 ok 架！只系最初 order 时遇到令人O 嘴嘅服务。 先讲食物，我和男朋友都叫了 set . 餐汤：蘑菇忌廉，可以接受，但系以茶餐厅质素而言。面包: 都系茶餐厅质素啦! 前菜（跟晚餐）：软壳蟹沙律，软壳蟹 ok. 沙律菜都新鲜，系好多水，沙律菜再干身D就好。意大利虾海鲜饭：卖相几靓，虾上铺满芝士烟肉，十分香口，饭嘅软硬适中，夹左蚬肉及洋葱，口感及味道都颇丰富，呢碟嘅质素就match返西餐嘅水准同价钱。铁板牛扒: 同花园餐厅嘅质素、味道差不多，肉较林，唔系咁有牛味，唔叫好味但都可以接受。餐饮：可以不加钱叫细支装可乐 加$30甜品：男朋友想食香蕉船，咁试下啦！基本上你比我拣，我一定唔会叫，因为只系香蕉、雪糕、cream 放埋一齐，属无诚意之作。 本人觉得卖相一D都唔讨好，同相有出入， 亦无配料如脆筒、威化等。香蕉一条切开两半，大量 cream 及两球 Vanilla 雪糕，旁边配左唔系咁 match 嘅可乐啫喱。可乐 Jelly 超 un, 似赵紧擦字胶，唔
题外话/补充资料：
讲番 service, order 时系一颈上有「公仔」嘅女侍应，没精打采，好似未醒，问佢是日餐汤系乜，好似鬼食泥兼讲比自己听咁，order 扒餐，我男朋友停顿左一阵，佢即好唔耐烦兼无尾音地问我男朋友要咩汁，男朋友问有咩汁，佢就话「睇啦！写晒系度！」其实以我地性格系会即走，但已经揾左食一段时间，唔想再揾喇，唯有就范。希望餐厅可以留意下，呢位员工咁嘅态度真系好赶客。（听到后面嘅客对呢位侍应都有D微言）但发现其他员工都唔系咁，都勤快及有礼. 相信只系个别员工嘅问题。
(以上食记乃用户个人意见 , 并不代表OpenRice之观点。)
张贴
