雲香園小鍋米線

营业中

休息中

系尖沙咀附近揾食见到呢间米线咁多人就试一试。 款式太多实在唔知拣咩好 ，见到隔离𠮶碗几正就问下佢，佢介绍我食云桂香招牌米线。云香园米线有芽菜、 酸菜、 猪肉碎、 台湾肠、 冬菇、 鸡丝、 鸡翼、 鱼肉春卷、 螺旋草、 腐竹，咩都有就拣佢。米线一上枱真系好足料，满满都系𩠌见唔到米线的，我拣左麻酸辣bb辣，辣度岩岩好，有辣的香味又唔会辣到要饮水，麻香十足，每一啖都要连汤一齐食，冬菇吸哂汤汁超级好食，鸡丝同螺旋草都好吸汤，鸡翼超大只又卤得入味，超满足。见到舖头介绍汤底新鲜熬煮6小时，果然系真材实料。其间见到老板同熟客倾计仲话亲身去学冲奶茶 、 每杯奶茶都用几款茶叶冲制 , 叫左一杯试下，真系好港式茶餐厅的奶茶，茶味香浓，啖啖香滑。