影片
更多
2013-05-17
962 浏览
一家三口去呢度食午餐，稻香集团餐厅！声称不加味精！要等5分钟先有位，因为今日赤柱有龙舟比赛，有公司包咗几围枱食午餐，好爆场，餐厅比咗靠墙一张枱，但因为无哂椅子所以我们只能全部平排坐梳化位比较古怪！不过待应都向我们表示歉意！叫咗：钟菜鲜虾饺（$12一只）---独立一笼一只，系用彩色塑胶笼，咁新颖，但我觉得突兀，唔太衬，味道也不特别，正常！麦香叉烧包（中）---唔知「麦香」系乜，同普通叉烧包无乜分别，亦系今餐唯一用传统竹蒸笼蒸，包皮松软，但馅料太甜，好假嘅甜！豉味蒸凤爪（小）---我食咗一只，蒸得淋身，好咸，鱼佬同肥髀食完都话咸，不停饮水！安虾咸水角（小）---炸到卜卜脆，餐具精致，味道正常。甘笋流沙包（中）---我唔觉有甘荀（唔知包身黄色系唔系已经代表加咗甘荀？）内部真系好流沙，但流沙太甜，好假嘅甜，甜到䊢口鱼子熏溏心蛋（$20）---虽然$20一只蛋，上枱卖相精致！有两款鱼子，黑鱼子同三文鱼子！鱼子l新鲜，鱼子同蛋味道好夹，蛋黄流心，亦系今餐最好味嘅菜！七味鱿鱼头（$58）---中文写鱿鱼头，但上碟我哋见只系得鱿鱼脚，睇番餐牌，英文叫呢味做spicy squid，英文无错，中文有误导了
叫咗：
钟菜鲜虾饺（$12一只）---独立一笼一只，系用彩色塑胶笼，咁新颖，但我觉得突兀，唔太衬，味道也不特别，正常！
麦香叉烧包（中）---唔知「麦香」系乜，同普通叉烧包无乜分别，亦系今餐唯一用传统竹蒸笼蒸，包皮松软，但馅料太甜，好假嘅甜！
豉味蒸凤爪（小）---我食咗一只，蒸得淋身，好咸，鱼佬同肥髀食完都话咸，不停饮水！
安虾咸水角（小）---炸到卜卜脆，餐具精致，味道正常。
甘笋流沙包（中）---我唔觉有甘荀（唔知包身黄色系唔系已经代表加咗甘荀？）内部真系好流沙，但流沙太甜，好假嘅甜，甜到䊢口
鱼子熏溏心蛋（$20）---虽然$20一只蛋，上枱卖相精致！有两款鱼子，黑鱼子同三文鱼子！鱼子l新鲜，鱼子同蛋味道好夹，蛋黄流心，亦系今餐最好味嘅菜！
七味鱿鱼头（$58）---中文写鱿鱼头，但上碟我哋见只系得鱿鱼脚，睇番餐牌，英文叫呢味做spicy squid，英文无错，中文有误导了，虽然话spicy，不过好少辣，肥髀都食到，炸浆不厚，炸得亦香脆，鱿鱼脚不硬，几好！
头抽豉油王炒面（$98）---又一样好咸嘅菜，因为餐厅用咗比平时再幼身嘅面，面质烟韧，但幼面索得汁料更多，结果更咸，呢味菜无乜配料，只有葱同芽菜，配料爽口，但真的太咸，最后每人只能食到少少！
呢间餐厅标榜无加味精，鸡粉，色素，唔知厨师系唔系为咗填补无味精嘅味道，而狂加重其他味道，我同鱼佬自问都唔算食得淡口，但味道重到咁嘅程度，真系接受唔到！鱼佬通常负责清碟，可惜今次都做唔到！以呢间中价菜馆来讲，系令我失望了！
地方光猛干净，装修新潮，待应亦有礼勤快，不过厨师真系唔好咁重手！
埋单连加一$317！
张贴
