NUTTEA (葵涌廣場) (已結業)

早幾年已經飲過NUTTEA，佢嘅堅果奶蓋非常出名。😋位置就喺葵涌廣場一樓電梯口旁邊一望就見到。飲品種類非常多，有堅果奶昔，堅果奶蓋茶，水果茶，甚至有家庭裝嘅飲品。🤭芒果堅果奶昔呢個堅果奶昔，我揀咗微糖，飲落唔會好甜，堅果加埋奶一齊打，所以芒果奶飲落好香堅果味。口感方面，雖然加入堅果去打爛，不過奶昔口感都好滑，係會感覺到堅果打得好幼細。伯爵朱古力堅果奶蓋茶朱古力堅果奶蓋茶比芒果堅果奶昔甜，上面嘅奶蓋比較厚實，好似食蛋糕嘅忌廉咁，而伯爵茶嘅味道都好出。