梅光軒 (已結業)

终于揾到一间拉面店难食过味千拉面。今日下午路过谂住试下呢间喺北海道好出名嘅拉面店，但当我喺cashier落左order后就后悔了。首先，等左成起码十五分钟先有得食。跟住激气嘅事情就发生了。阿姐捧住碗面出嚟问系咪我叫嘅，我话系，跟住阿姐教训我话下次调左位同我讲声吖嘛。我当堂火都黎，一来你一开始冇要求我汇报我嘅位置，二来你唔认得客人个样就唔好Offer帮客人捧餐啦。最后，我想话呢碗盐味拉面真系我食过最难食嘅拉面，d面林嘅，个汤淡嘅，我食净半碗面就走了。