盈圖

营业中

休息中

今日同我嘅仔去盈图用餐，用餐嘅体验非常满意。餐厅嘅环境好舒服，装潢真系好靓。佢地嘅天花板用咗优雅嘅中式花纹，搭配柔和嘅灯光，好时尚但又唔失港味。服务生都招呼到好周到，举下手好快就嚟服务我哋。我哋点咗呢几道招牌菜，味道都好好。我个仔要求我叫嘅黑金流沙包。流沙包嘅外皮好松软，里边嘅流沙馅料好多，食左会漏出来，所以需要小心食，唔好被烫到嘴皮。里边嘅流沙馅味道好浓，但唔会太甜，咸甜咸甜咁，个包嘅表皮有个「盈」字，有款！跟住就系呢个西兰花炒带子,呢道菜色好鲜艳，带子嘅鲜带出西兰花嘅甜，令平时唔食菜嘅仔仔都食呢道菜。平常好少点呢个潮州蒸粉果，但系今日想食就点左黎食。佢嘅皮薄馅多，口感好好滑，皮蒸得啱啱好，晶莹剔透。我仲叫左金汤小笼包，小笼包里边有好多汤汁，我仲教仔仔先吸佢嘅汁然后先至食，每一口都食到好满足。健康红米脆网肠我系第一次食，好特别，红色嘅外皮好Q弹，里边馅嘅味道系唔错嘅。而豉油王焗海虾嘅虾肉好大只，好鲜甜，调味到啱啱好，正！