河內越式料理 (西洋菜南街)

营业中

休息中

今日去左旺角行街，见到呢间食越南料理餐厅都多人食，于是决定入去食个午餐。餐厅环境舒适，装修别致，落完餐后好快就上菜。我哋叫左无骨酸辣凤爪，呢款小食份量够，凤爪爽口，配上芹菜、洋葱、萝卜丝一齐食，酸辣开胃。上汤灼田园蔬用左牛骨熬制上汤灼，每啖菜都食到牛嘅上汤味，健康得黎又好味。街头香叶卷捞檬用左香叶包住碎猪肉，香叶卷炸得甘香松化，配埋清爽捞檬一齐食，好夹。软壳蟹米纸卷好足料，外层系软软嘅米纸，内层系香口吧软壳蟹，口感丰富。另外叫左两杯饮品：牛油果沙冰清新解渴，每啖都饮到清香牛油果味，沙冰又整得好绵滑。冻越南滴漏咖啡饮落偏甜，但又保留左咖啡香味，有越南风味。总括而言，餐厅坐得舒服同性价比高，得闲可以再黎食。