樂天皇朝薈萃

营业中

休息中

今日约左朋友先知原来airside开左乐天皇朝荟萃，以前一直都系其他分店食，而且一直都觉得质素不错，所以今日来到airside都好大期望，结果都冇失望啊～呢到坐得都舒服，而且见到餐厅为左庆祝锣湾店开张，都有特别优惠，最回味猫山王榴梿小笼包系9月13日前都有特价$48/6粒！$15个花生栗子头盘其实真系几好食，热辣辣咁样，热嘅普洱茶亦都好香。上海妈妈烤麸系我由细到大最钟意食嘅上海菜之一呢度嘅酱汁亦都调配得好多，少少甜，好有上海风味。小笼包更加系呢度嘅特点之一，每张枱都有僵尸，加埋醋食真系劲好食，小笼包嘅皮超薄身，但系亦都承载住满满嘅汤汁。好彩我哋一开始加咗要十粒。担担面我朋友都话好好食，花生底好浓郁！最后都加咗个蒜蓉菠菜，呢度更加有得少油少盐，绝对系重视健康嘅人都照顾到。隔篱枱叫咗云吞鸡汤，一上枱都闻到好香，下次我哋都一定要叫。