十三么車仔麵 (已結業)

见到下面有食评话有效率, 全程只系5分钟, 但唔知系咪我黑仔, 我第一次帮衬得到完全不一样体验。由填纸仔到拎到只麻雀已经5分钟, 姐姐忙住执外卖都冇时间收单, 然后我再等咗差唔多15分钟先拎到餐。食得车仔面, 就系期望你出餐快, 香港打工仔边有咁多食饭时间等出餐。而呢20分钟入面, 有个情况不断重复, 就系执𩠌位哥仔执到某一样, 发现冇哂, 先通知返个客转𩠌。乜唔系落单𠮶刻已经要知道有冇货卖咩?仲有呀哥仔, 你啲客等紧嘅时候系睇电话发紧梦, 请你大声少少叫只麻雀/ 号码, 今日见到有两只失魂鱼听唔到你叫佢呀。食物质素系几好, 呢个价钱系抵嘅, 希望下次帮衬有改善。