囍越 (屯門市廣場) (已結業)

虽然每次去屯门市中心, 个感觉都系好多人, 不过其实除咗多人, 都有好多嘢食嘅, 款式多到可以令你唔需要出市区。今日食嘅就系🔸What The PHO🔸, 星期日晚市时段食都无限制用餐时间, 可以慢慢食几好。🍴 安南烧乳猪每次去到越南餐厅都会留意吓有无烧乳猪呢个菜式, 因为唔系度度有, 呢度嘅烧乳猪整得好嫩滑, 皮脆肉嫩, 食落仲有好多肉汁, 好Juicy!🍴 烧猪颈肉配滨海及生菜用生菜包住粉皮片, 再包住猪颈肉一齐食, 个感觉好韩式, 食落口感层次好丰富, 每一层都互相配合, 唔会特别抢味。🍴 香芒软壳蟹米纸卷漏咗单, 不过都坚持食😂 好彩无令我失望, 平时食米纸卷好怕里面d 配料味道太强烈, 而呢度嘅米纸卷无呢个问题, 软壳蟹仲大大件, 同芒果互相配合, 夹埋一齐食好清新, 好Fresh!🍴 原个椰青海鲜焗饭视觉效果好丰盛, 焗饭嘅椰香味十足, 有好多椰肉可以连埋一齐食。海鲜方面有虾, 鱿鱼同带子, 全部都刚好, 唔会太老。🍴 香芒糯米饭将糯米饭搓成一个波实在太得意, 卖相吸引。芒果即使唔系当造都唔会觉得酸, 椰浆味道适中, 糯米饭唔会太黏, 好食。整体食物都好好食, 唯独是员工嘅