J.S. FOODIES (又一城)

营业中

休息中

之前一直想试呢间餐厅，但每次门口都超级多人，今日难得好早去到又一城，佢啱啱11:30开门可以唔使等位直入。黑松露薯条薯条炸得表面金黄香脆，外脆内软，配埋黑松露酱以及酸忌廉食，成个层次唔同咗，真系好夹,唔怪得知个个朋友都话薯条必食。法式焦糖pancake 呢道菜系佢嘅主打厨师推介，卖相有心思，表面嘅水果好新鲜，切得啱啱好入口size。不得不提嘅系佢pancake表面嘅焦糖，唔会好甜而且够薄，食落脆脆地配埋pancake一流。原味pancake呢个厚pancake又系另一主打,同之前嘅pancake好唔同，呢个咬落去比较松软有空气感，而且蛋味浓郁，口感近似疏乎厘，配埋忌廉食都好好味。呢个pancake质感做得好好，切完都唔会散又够软熟。餐厅食物质素非常高，甜品尤其出色，下次有机会会再帮衬。