Burger Hero

营业中

休息中

先讲明个汉堡薯条唔错，性价比高。星期日晚餐时间七点钟门市落单，叫咗五人份嘅汉堡餐外卖，当时店员表示二十分钟左右就拎得。结果二十分钟后去到先发觉个餐冇准备过！！！问两位店员几时拎得就齐齐无视问题继续做单。最令人气愤嘅系当时佢地外卖APP嘅单已经系我外卖单嘅号码后十个，即系表示佢哋宁愿做晒外卖app单都唔会理现场柯打嘅街客，系佢哋眼中街客比地底泥更加下贱。点解会咁呀？外卖app其实有出餐时间限制，店舖为咗要达标就唯有牺牲某啲顾客。我行到去门口叫堂食自取本意系唔驶店家俾外卖app抽佣当支持下小店，最终就玩返自己。结果系点？足足等咗成50分钟，睇住一张张熊猫袋鼠单过完又过，千辛万苦先拎到个外卖。各位如果walkin堂食或者现场叫外卖请三思！最后，利申自费非打手。