BEP Vietnamese Kitchen 越灶 (已結業)

有一日去左呢度食饭，因为有人同女朋友讲话好食。两个人去食，要人齐先入得，由于K11上电梯比较迂回，所以错过左几张枱，都等左一阵。生虾，印象最深刻，因为98元有好多，都真系多，食极都有。你都知平时去泰国舖系一条虾一条菜，卡啦卡啦只有几条。呢度量大赢左，果道亦ok。米纸卷，冇乜特别，正常，普通，冇乜记忆。猪颈肉串烧，好食，肥嘟嘟，弹弹地，可以试下。如果你睇图见到有个好似好特别，一个煎饼包住果个，你系咪都好想试？我就系睇餐牌见到好似好好食就叫左。结果系，伏左，应该只系唔岩我口味。个煎饼不好食，好粉，冇味。煎饼好似包住啲嘢，只系放喺面度，里面有一些𩠌，例如芽菜、海鲜，但系完全好似白烚咁，冇味，我好后悔。榴连沙冰，好好饮，因为好重榴梿味，但饮饮下先发现，原来一啲冰都冇，所以唔好期望系沙冰，佢只系一杯榴连汁。不过，系值得叫的。啤酒，系好正常，增加晚餐的开心度。下次如果谂唔到食乜嘢，都会有兴趣再食。