三點三冰室

营业中

休息中

今日同一班同事夜晚开完会之后想快快脆脆揾间餐厅食完晚餐先返屋企，就决定落楼下食。呢间装修都好靓，上菜速度亦都好快，员工亦都好有礼貌，我哋今日叫咗几样嘢都好好食。海南鸡饭油饭好香，鸡都好滑，大推介！菠菜吞拿鱼焗通粉好快就上枱，酱汁够creamy，份量亦都相当大，啱晒我哋啲男同事。鲍鱼蛋白素炒饭睇个样已经觉得好好食，上面有一旧鲍鱼，睇落去劲昂贵。我哋另外都叫咗两款小食一齐分享：盐酥花枝丸同妙龄乳鸽。乳鸽调味刚刚好，皮脆肉嫩花枝丸个口感都好好食，劲弹牙。