SLOW COW

营业中

休息中

今日约好同一个好耐都冇见嘅朋友食饭，特登约咗好就脚嘅K11商场，尖东站直达，呢间餐厅我系特登为佢而拣嘅，因为佢钟意啲日式小店，而刚好呢间餐厅就系喺一间好别致嘅家私舖入边，我哋大家都早咗到，所以就喺家私店度行咗一阵，先至入餐厅，讲201坐低，我朋友就话呢间餐厅佢好钟意，感觉好似啲日式家庭小店咁样。今日要咗个慢煮熟食牛肉，要咗正常90g，我自己近排唔太想食淀粉质，好彩呢度有得拣个底系日式炒杂菜，我选择咗要流心香煎日本蛋再加香橙肉汁，呢个汁我觉得几特别，有种清新嘅味道，配埋肉一齐食会令到成件事冇咁滞。而且杂菜个汁系有少少甜味，几好味。朋友就要咗慢煮熟食牛肉加淡丽蛋白炒饭，再要个半熟日本温泉蛋，酱汁就要秘制熟成牛辣肉酱，秘制熟成牛辣肉酱真系一定要叫，将佢嚟捞饭食真系好正！