影片
更多
2024-10-24
138 浏览
见过几间乐天皇朝嘅分店，第一次系嚟铜锣湾利舞台呢间食。装修好新净，座位够阔落，侍应嘅服务态度都值得一赞。一坐低就有碟小食，系花生同栗子，热辣辣好香口，我同屋企人都觉得好好食。嗌咗佢嘅招牌菜特色皇朝小笼包，八色可以试哂所有味。我觉得原味小笼包已经好好味，另外食咗好香口嘅鹅肝味同黑松露味，都好有惊喜。芝士味嘅馅嘅中间仲有拉丝芝士。屋企人食咗其他味，都觉得以后嚟都可以再食。萝卜丝酥饼有三件，闻落劲香，外面嘅酥超松软，入面全部都系热辣辣嘅萝卜丝，同一般酒楼完全唔同。芝麻酱油麦菜好特别，系用青瓜卷埋油麦菜，再点麻酱嚟食。本身唔系特别钟意油麦菜，但系啲菜好新鲜，唔会有浸草青味，点埋麻酱嚟食好好味。另一款小食系李白醉鸡，份量都几多，酒味适中，啲鸡肉好滑。鱼汤酸菜鱼好足料，有好多鲜鱼片、豆干、酸菜同莴笋。鱼汤底好好味，唔会太酸，好开胃。另外仲有好多红薯粉，我哋两个人差啲食唔晒。因为好好食，所以都会再encore。最后甜品要咗煎豆沙窝饼，外脆内热，红豆馅唔会太甜，好食。
一坐低就有碟小食，系花生同栗子，热辣辣好香口，我同屋企人都觉得好好食。
嗌咗佢嘅招牌菜特色皇朝小笼包，八色可以试哂所有味。我觉得原味小笼包已经好好味，另外食咗好香口嘅鹅肝味同黑松露味，都好有惊喜。芝士味嘅馅嘅中间仲有拉丝芝士。屋企人食咗其他味，都觉得以后嚟都可以再食。
萝卜丝酥饼有三件，闻落劲香，外面嘅酥超松软，入面全部都系热辣辣嘅萝卜丝，同一般酒楼完全唔同。
芝麻酱油麦菜好特别，系用青瓜卷埋油麦菜，再点麻酱嚟食。本身唔系特别钟意油麦菜，但系啲菜好新鲜，唔会有浸草青味，点埋麻酱嚟食好好味。
另一款小食系李白醉鸡，份量都几多，酒味适中，啲鸡肉好滑。
鱼汤酸菜鱼好足料，有好多鲜鱼片、豆干、酸菜同莴笋。鱼汤底好好味，唔会太酸，好开胃。另外仲有好多红薯粉，我哋两个人差啲食唔晒。因为好好食，所以都会再encore。
最后甜品要咗煎豆沙窝饼，外脆内热，红豆馅唔会太甜，好食。
张贴
