日本小食工房 (已結業)

友人带路，话有鲷鱼烧食，钟意食小食同扫街既我，岩哂。老板唔多识讲中文，不过买块鱼仔，沟通问题唔大，有原味皮同年糕皮，年糕皮未试过，要个试下。原先想要吉士馅，不过年糕吉士好似好滞咁，要个红豆馅。个皮食落好烟韧，系面头有少少硬，如果新鲜出炉应该会几脆，入面就几软熟，好味。红豆份量还可以，系鱼尾部份无料到，食落唔太甜，也不错。如果遇到刚出炉应该更好，十二蚊，有个好味既鲷鱼烧。