Day and Nite by Master Kama (已結業)

知道Master Kama 出名食海鲜，特别系龙虾，可惜同行朋友皮肤敏感，唔食得海鲜好彩menu 上都有唔少非海鲜菜式选择....香炸鸡翼配龙虾芝士汁 鸡翼炸到金黄色，上面撒上芝士碎，龙虾芝士汁以蜡烛热住 ( 龙虾汁另上，皮肤敏感的友人可以食)。食之前点一点浓稠嘅酱汁，可以避免炸鸡翼嘅脆皮淋晒，龙虾汁味道浓郁，炸鸡翼皮脆肉嬾，好好味黑松露什菌薄饼黑松露同什箘呢个配搭本身都无得输，不过我就觉得黑松露味道唔够，如果再多少少会更加香，更有层次。值得一赞嘅系饼底好薄，好松脆。三种芝士鸡肉薄饼鸡肉馅料丰富，多到每食一啖都有鸡肉涌出嚟，芝士份量啱啱好，食完唔会话好油腻好滞。由于各种龙虾菜式都好吸引，嚟到点都至少要嗌翻一样，最后我哋叫咗个龙虾玉子烧。呢个真系好好食，非常好食。玉子烧蛋味浓郁，好滑好滑，蛋中亦清晰见到大大旧龙虾肉，完全冇偷工减料 我自己以及同行朋友对于今次用餐经验都非常满意，美中不足系食唔到好多龙虾菜式，下次会再嚟食过！