影片
更多
2014-08-31
3172 浏览
柑太今日返完工好肚饿，提议去食韩国野，早排又睇左杂志介绍韩烤，佢就好怀念以前去韩国食韩烤既回忆，咁岩呢间又同佢以前去韩国食过既风格最近，于是就去帮衬啦。去到大门时，时间仲好早，六点刚到，但都已经有人系度烧紧，问问侍应要唔要等位，唔驶就即时入席。入到去发觉地方好大，廿张台，每张坐六七个既话，高峰应该可以坐到过百人。而佢地又好识得利用空间，客人坐既椅系可以抽起个坐塾，然后放个人物件入去既圆桶型椅，咁样就可以避免客人将手袋背囊放系椅上而吸晒油烟(虽然都无乜油烟，后述)，而又可以多出空间坐多几个人，有心思。装潢好有韩国小店既风味，每张台都有独立既抽油烟机，后来发觉佢地抽油烟机油吸力好劲，基本上食完系无乜油烟系身。而多木既装潢，古典风味之余，仲令人觉得自己置身系韩国咁，足见老细下过心希望系韩烧林立既地方突围而出。侍应见我地坐底后即刻上前菜配料，手脚好快，酱料方面，韩式烧烤酱食落有轻微既辣辣感，生蒜头就无乜蒜味，其他两只酱我食唔出系乜野黎...由于唔食芽菜，果个芽菜件韩酱我比左柑太食，佢话一般无乜特别。蔬菜有好多生菜，用黎夹烧好既五花腩食真系好方便好好味，而红萝卜同薯片烧左之后非常好食，薯片烧完后
去到大门时，时间仲好早，六点刚到，但都已经有人系度烧紧，问问侍应要唔要等位，唔驶就即时入席。
入到去发觉地方好大，廿张台，每张坐六七个既话，高峰应该可以坐到过百人。而佢地又好识得利用空间，客人坐既椅系可以抽起个坐塾，然后放个人物件入去既圆桶型椅，咁样就可以避免客人将手袋背囊放系椅上而吸晒油烟(虽然都无乜油烟，后述)，而又可以多出空间坐多几个人，有心思。装潢好有韩国小店既风味，每张台都有独立既抽油烟机，后来发觉佢地抽油烟机油吸力好劲，基本上食完系无乜油烟系身。而多木既装潢，古典风味之余，仲令人觉得自己置身系韩国咁，足见老细下过心希望系韩烧林立既地方突围而出。
侍应见我地坐底后即刻上前菜配料，手脚好快，酱料方面，韩式烧烤酱食落有轻微既辣辣感，生蒜头就无乜蒜味，其他两只酱我食唔出系乜野黎...由于唔食芽菜，果个芽菜件韩酱我比左柑太食，佢话一般无乜特别。
蔬菜有好多生菜，用黎夹烧好既五花腩食真系好方便好好味，而红萝卜同薯片烧左之后非常好食，薯片烧完后仲好脆添。
洋葱配黑胡椒食落唔辣，反而带有鲜甜口感，食完热辣辣既烧肉，食番少少洋葱可以洗左口入面果种油腻感觉，配上黑胡椒可以醒胃，刺激食欲。
烧烤炉除左中间烧肉既位置仲有旁边三格，侍应分别会添入芝士粟米、蛋浆、洋葱蒜片。蛋浆会随著炉火热力而变左玉子烧，食落好滑，烧好既洋葱蒜片配酒就绝对系一流既伴酒小食。芝士粟米可以话代替左饭，全部三样野都可以不停添加，真系食呢D都唔驶再叫饭。
我地左护心肉($150/200g)、五花腩($110/150g)、牛舌($130/150g)，石锅饭(鸡肉)，护心肉200g分量好多，每粒都切得刚好可以一口食，而烧既时间又唔会太耐，入口甜美，唔油腻，真系可以食紧一啖又烧定第二啖。
戏肉既五花腩黎啦，佢地应该系做得最地道既韩式烧五花腩，成条上，成条烧，烧好先用剪剪开，配上生菜包黎食真系无得顶。不过呢条五花腩比较肥，差唔多系半肉半糕，烧到d肉熟晒，仲有好大旧既糕未烧完，好在食落好腍唔韧，同埋唔算太油腻，150g既分量其实只够1.5人分，如果人多可以要叫多d先够食。
我食果阵就将五花腩加烧烤酱再加烧好既玉子烧夹住生菜一野车入口，几种唔同既食材系口内溶化，多汁且软熟既五花腩，配上滑腻既玉子烧，微辣刺激口感既烧烤酱，加埋爽脆既生菜，真系识食一定要咁食
到左个牛舌就即时反高潮啦，分量好多，但一烧一食就发觉好硬，好韧，食唔到牛味，初初以为系烧得耐，但之后烧10秒就食都系相同现象。石锅饭方面都系平平无奇，唔叫亦唔会有损失。
呢间店请左唔少韩国人做侍应，不过佢地都识听英文，有少部份仲识广东话，沟通上无问题。最重要系呢间店系可以自携酒水入场，如果三五知己黎到，可以去附近既韩式超市买支米酒或者果汁入场慢慢叹！
张贴
