Wings Cafe & Bistro

营业中

休息中

有订台所以唔洗等，餐厅地方宽阔，干净企理，装修都好靓。侍应都好有礼貌，亦都好主动去帮忙，唔洗叫自己见到咩帮到都会帮。 整体嚟讲用餐体验都好好。至于食物，叫左个晚市套餐，餐汤系南瓜汤。好钟意南瓜同忌廉个比例，啱啱好，食到南瓜味但系未到好出，唔太钟意南瓜嘅朋友都可以试下。个口感都好好，唔太稀，系个几好嘅西汤嚟。之后主菜叫左两个，极厚切牛颈脊同埋龙虾汁意大利饭。牛颈脊都算有惊喜。本身有味道淡口，系食肉味同埋煎嘅香味。食食下想食多啲味就可以点佢个阿根廷青酱，好配个牛。但系唯一唔好就系煎得有少少唔均匀，有啲熟啲有啲生啲。另外个蒜头都几好食，听讲工序好多，又煎又蒸又焗。好香好好食。薯蓉配搭蘑菇，再加啲肉汁好夹，呢个菜非常好食。个龙虾汁意大利饭就差咁啲，啲海鲜就正常啦，量都唔少，个饭后感都几好，食落唔觉得好滞。但系佢酒味太重，盖过哂啲龙虾汁味。唔会话唔好食但系下次会试其他野。嘢饮叫左呢个朱古力牛奶，几满意，上黎𠮶阵个色好靓。味道就偏牛奶多啲，视乎个人口味。我自己就几钟意饮。焦糖布甸加配焦糖脆脆雪糕，值得讲嘅系佢雪糕个温度啱啱好，唔系好硬好难不，但系又唔系好淋就嚟溶咁。味道都好有层次，唔会太甜，几好食