影片
更多
2024-11-15
150 浏览
以前买过venchi的散装朱古力，食完印象唔深刻，可能当时年轻，食唔出分别。今次系第1次食佢的gelato，网页提及原材料系精挑细选自唔同国家及产地，好似好讲究同厉害。呢度的gelato虽然唔平，但亦唔贵，因为佢份量足，再者一直以嚟，gelato喺香港都唔系平民甜品，所以，以呢个角度考虑，价钱都可以接受。Mini size gelato ($63)：可选杯装或脆筒。我拣杯装，怕脆筒唔脆（因gelato溶得快），同埋食的时候会方便啲。开心果gelato有果仁香，开心果味唔系入口瞬间爆发，佢奶味重，慢慢食落先有开心果味。榛子gelato都差唔多，但会快少少食得出榛子味。Gelato溶得几快，喺店里坐咗3、5分钟经已食完。享受gelato的唯一缺点系冇得慢慢叹~~购买前可先试味。我试咗开心果、榛子同黑朱古力味。整体嚟讲，venchi的gelato几甜，所以，虽然只系食咗一个mini size都觉得饱。黑朱古力味唔错，但冇果仁味咁hit 同有特色。另外，新出品有抹茶味。其他口味较大路，店里亦冇我最想食的咖啡味（唔知venchi有冇出呢？）。店员服务态度几好，店面有座位可以俾顾客坐低食。如果食得
今次系第1次食佢的gelato，网页提及原材料系精挑细选自唔同国家及产地，好似好讲究同厉害。呢度的gelato虽然唔平，但亦唔贵，因为佢份量足，再者一直以嚟，gelato喺香港都唔系平民甜品，所以，以呢个角度考虑，价钱都可以接受。
Mini size gelato ($63)：可选杯装或脆筒。我拣杯装，怕脆筒唔脆（因gelato溶得快），同埋食的时候会方便啲。开心果gelato有果仁香，开心果味唔系入口瞬间爆发，佢奶味重，慢慢食落先有开心果味。榛子gelato都差唔多，但会快少少食得出榛子味。Gelato溶得几快，喺店里坐咗3、5分钟经已食完。享受gelato的唯一缺点系冇得慢慢叹~~
购买前可先试味。我试咗开心果、榛子同黑朱古力味。整体嚟讲，venchi的gelato几甜，所以，虽然只系食咗一个mini size都觉得饱。黑朱古力味唔错，但冇果仁味咁hit 同有特色。另外，新出品有抹茶味。其他口味较大路，店里亦冇我最想食的咖啡味（唔知venchi有冇出呢？）。店员服务态度几好，店面有座位可以俾顾客坐低食。如果食得落的话，family size好抵，$83可以拣4款味道，一次过食匀店里1/3的gelato口味。由于我系第1次食，所以唔确定份量系多少，但杯装都系装满晒，而gelato上面仲有块黑朱古力小圆片。不过，gelato冻而会影响咗朱古力片的质感，入口难融化，味如嚼腊，嘥咗。
张贴
