Our Little Dream (已結業)

💛Our Little Dream——————————————-餐厅位置喺将军澳海旁附近，地铁站行10分钟左右就到，都算好方便，而且环境好舒适！拍下拖散步行吓街亦都好舒服！———————————————💛龙虾意粉 $298大大只嘅龙虾，配合埋好香浓嘅龙虾汁，一上枱就已经闻到龙虾嘅香味流晒口水！而且呢只龙虾我相信就算自己买返嚟都唔平！所以呢个价钱可以食到呢个质素真系好好！而且龙虾肉已经全部剥好晒，非常方便进食！——————————————-💛西班牙烤乳猪 $348店员推介左呢一份烤乳猪，本来都冇乜特别期望，但系一食落去真系吓亲！口感味道嘅层次都好丰富！首先烤乳猪嘅皮非常香脆，而且乳猪嘅肉好香同埋依然好Juice，配合埋呢个酸酸甜甜嘅酱汁中和返乳猪嘅油腻感觉，成件事好夹！值得介绍嘅一道菜色———————————————💛总括感想餐厅环境唔算系好奢华，但系胜在食物质素方面非常有优势！虽然价钱唔算好平，但系绝对系性价比好高！如果想食高质嘅食物，又唔想去啲高级餐厅食贵价嘢嘅话，呢度绝对系一个好好嘅选择！