四季煲仔飯

营业中

休息中

天气冻返梗系要食煲仔饭，好多年冇食四季，以前谂起食煲仔饭一定系去四季。估唔到水准差左咁多。都明疫情问题生意难做，但系咁既环境都坐到人贴人咁，真系坐落都唔安乐。然后张台污糟到不行，佢清洁完我再用湿纸巾抹多次，张纸巾都仲黑色既。叫左白鳝滑鸡饭，滑鸡大概有三四粒既分量，白鳝大概有五片左右，然后啲饭系完全唔香唔好食，唯一可取，热啰。蚝饼又油腻到不得了，又唔多料。连个菜都要问两三次先上。真系，如果味觉正常，又想舒舒服服咁坐，我相信附近有好多更好选择。完全冇意欲影相，系咁易影左一张蚝饼。