芳華絕代 (已結業)

同事说去咗几次芳华绝代都食唔到，因为太多人啦！今次醒啦，一早系openrice定位，一行十几人就好好当当咁去。芳华绝代嘅环境同装修都几似外国嘅餐厅，上层坐得好舒服，位同位之间唔会好迫，再加埋啲音乐，好chill。午餐有好多选择，有泰式车仔面，船面，有咖喱，亦都有炒饭，padthai，海南鸡饭等等。牛餐都系60蚊，包果汁同花茶。我叫咗椰子鸡汤车仔面开头以为系好清𠮶款椰子鸡汤🤣 原来系加咗椰奶嘅，估唔到𠮶汤咁正，淡淡嘅椰香同香料味，酸酸地咁，就好似唔辣嘅椰汁冬阴公咁。配料可以加三样野，加咗烧鸡肉，牛腩同扎肉。烧鸡肉好入味，有好多块，牛腩都好淋。扎肉得两块，唔够喉。茉莉大红袍花茶系用茶包，食完啲好浓味嘅嘢，饮杯花茶好舒服！饮完可以再加热水。自己星期六再黎都一次🤣今次食冬阴公车仔面冬阴公汤都好正，不过我觉得油咗少少。辣味适中。今次冇叫牛腩，叫咗墨鱼丸，我觉得墨鱼丸麻麻哋，其他都保持水准。比起冬阴公汤我都系钟意椰子鸡汤多啲。