鮨樂 (如心廣場二期)

营业中

休息中

自己生日朋友带我左我去如心广场既鮨乐食晚餐庆祝生日。可能系平日，当晚餐厅唔算有太多客人。朋友订左位7点半，一入到餐厅就可以入座。因为之前有订位，餐厅有个特别优惠，餐牌上有11款食物可以有半价优惠，而且冇限款式同点餐次数。因为半价实在太抵，我同朋友放弃左餐牌后面既食物，直接只系点选有半价优惠既食物🤭我点左餐牌上比较特别既鳕鱼白子，听就听得多，但我系第一次食。口感有d似细个时食既猪脑🧠。对于一个会食内脏既我黎讲，白子加上酸汁，几开胃。但朋友就唔太接受到🤣例牌有我去居酒屋必食既烧鸡泡鱼干同枝豆。主食我地就点左本鲔寿司盛合同极上海胆刺身盛合。新鲜既拖罗点都系入口即溶，冇得输👍🏻其他各款刺身都好鲜甜，特别系我至爱既海胆。饮埋杯巨峰提子酒，轻轻松松咁又系一个开心既吹水夜。