京都一の傳

今晚同朋友8:30嚟到呢家一直都想试好耐嘅京都寿喜烧，嗌咗佢哋嘅银阁套餐，首先侍应会将所有食材都准备上你张枱度，然后再用牛油热锅，再加部份蔬菜炒香，但系炒嘅过程之中唔知系咪个侍应唔太熟手定点样，将啲油弹到落我朋友个手度，理所当然佢讲咗句sorry就算，完全冇叫其他人攞纸巾过嚟又或者湿纸巾，呢方面真系有啲愕然，话晒都高级餐厅，咁都算咁我哋开始食，食物方面有和牛豚肉，呢啲都中规中矩，不过唔知点解和牛会有筋，豚肉亦都冇咩味道，总括而言两碟肉都系靠沾两碟唔同嘅酱去攞味，真系仲衰过去食某啲放题既肉，煮到咁上下水干，咁叫个侍应加汤，原来佢哋只会加清水，再一次震惊我，食到后尾𠮶两三转个汤完全系冇咩味，根本就系清水锅，我比几旧水食你嘅清水锅而且服务方面同价钱都不成正比，完全感受唔到系高级餐厅，一般日本餐厅正常都会嗌欢迎口号，不过呢一间完全唔会，好似去食茶餐厅咁，不过呢啲都系小事，最大嘅问题系啲侍应完全当你透明，叫咗某个女侍应加水，到后尾佢完全系冇咗件事，到我哋食完之后又见到佢咁谂住叫佢埋单啦，佢听完我哋叫埋单之后又消失咗，我真系当堂得啖笑如果你哋想享受高质嘅寿喜烧又或者想食得开心呢间真系唔使谂悭返啲钱