影片
更多
2017-05-18
201 浏览
江南庭叙，听个名都够好有诗意，同妈妈食母亲节饭拣个肆正啲嘅地方系应该嘅，本来系朋友去过话觉得几好，虽然价钱系贵啲，但冇乜几可啦，而且去到见到装修服务食物都超高质素，完全觉得系值回票价的！去到门口时，已经有职员出来热情咁招呼，同佢讲话book咗位食乜嘢，佢就马上为我带位入内，笑容可恭， 十分专业！里面见到装修唔系传统酒楼那种豪华瑰丽，但系觉得几雅致高尚，而且卡位好大，我哋坐得好舒服。刚坐下，叫个汤底先，妈钟意沙嗲汤底，但佢又想就小朋友、怕沙嗲太辣，其实好易解决啫，叫鸳鸯汤底咪得啰，而且后来食落，我觉得个㖞沙嗲汤底都几正架，惹味得来又唔会太辣太刺激，而且带少少甜，我同妈妈都觉得好好味。同妈妈食饭，叫啲海鲜比佢食先，南非鲍鱼，上碟之前俾我哋睇一睇，大大只，切片上，几爽口。赖尿虾，因为新鲜，食落都几爽口，又够大只，啖啖肉咁，用清汤𠮶边煮更加显出佢啲鲜甜。牛白肉，上碟时见到，一片片白色咁样，有少少担心系咪全部脂肪会唔会好肥，食落去系几香溜，但系又唔系话淋bet bet 咁样嘅，我会觉得好似系平时食肥牛𠮶片白色野。肉眼筋，听个名几特别，所以试一试，原来肉眼筋系猪排连着的，簿簿地的一块白色筋膜，想不
江南庭叙，听个名都够好有诗意，同妈妈食母亲节饭拣个肆正啲嘅地方系应该嘅，本来系朋友去过话觉得几好，虽然价钱系贵啲，但冇乜几可啦，而且去到见到装修服务食物都超高质素，完全觉得系值回票价的！
去到门口时，已经有职员出来热情咁招呼，同佢讲话book咗位食乜嘢，佢就马上为我带位入内，笑容可恭， 十分专业！里面见到装修唔系传统酒楼那种豪华瑰丽，但系觉得几雅致高尚，而且卡位好大，我哋坐得好舒服。
刚坐下，叫个汤底先，妈钟意沙嗲汤底，但佢又想就小朋友、怕沙嗲太辣，其实好易解决啫，叫鸳鸯汤底咪得啰，
而且后来食落，我觉得个㖞沙嗲汤底都几正架，惹味得来又唔会太辣太刺激，而且带少少甜，我同妈妈都觉得好好味。
同妈妈食饭，叫啲海鲜比佢食先，南非鲍鱼，上碟之前俾我哋睇一睇，大大只，切片上，几爽口。
赖尿虾，因为新鲜，食落都几爽口，又够大只，啖啖肉咁，用清汤𠮶边煮更加显出佢啲鲜甜。
牛白肉，上碟时见到，一片片白色咁样，有少少担心系咪全部脂肪会唔会好肥，食落去系几香溜，但系又唔系话淋bet bet 咁样嘅，我会觉得好似系平时食肥牛𠮶片白色野。
肉眼筋，听个名几特别，所以试一试，原来肉眼筋系猪排连着的，簿簿地的一块白色筋膜，想不到咁好味㖞，连妈妈都唔声唔声一旧又一旧咁食，肉眼根的质地几淋软，𡁻落又带少少烟韧，少少爽口，你仲口感好新鲜，能够在淋软同爽口之间有一个完美嘅中间位，可以同时享受两种口感，值得一试。
野菜篮，呢个可以话真系超值之选，本来我哋好钟意食菜，但系又谂紧食边款菜，经理推介不如叫个野菜篮啦乜都有啲，当时冇问几多钱，攞单时见到先知只不过系＄88 ,又有生菜，又有油麦菜、金菇、白菜仔、冬菇，单单系冬菇都有成四只咁多，净系呢点都抵返晒啦，而且其他菜份量都不少，啲菜好新鲜，好爽甜，食落嗦嗦声！
食下菜又食下肉，试咗佢个羊肉片，好大碟，几香羊肉味又唔太膻！
响铃系会经厨房师傅烘热先上，可以就咁食当零食，亦都可以放落汤度煮一煮即刻食。
食到咁上下，系时候要加点粉丝，由于汤汁已经加入了多种火锅配料煮过，更加惹味，加入了晶莹的粉丝，粉丝能够无限包容，吸入了的劲多汤汁，加上粉丝本身几弹牙，十分之可口。
食得七七八八，又意犹未尽，叫多个招牌四宝丸，又系另外一个超值之选，本来以为佢最多咪八粒，（有四款每款两粒），原来系有成十二粒，即系每款有三粒，而且放得十分之整齐，四款唔同颜色放埋一起，望落去都觉得好靓，
分别系，鲮鱼丸、虾丸，墨鱼丸，牛丸，而且真系款款都好好味！虾丸十分之先鲜，墨鱼丸好弹牙，牛丸个口感好firm我好钟意，鲮鱼就好够鱼味！整体感觉很不错，尤其仔好顽皮又嘈，佢哋完全不介意仲主动聊佢玩，服务真系满分！全程问下妈觉得点，啱唔啱食，佢向来内歛，冇讲咩表达但见佢密密食即系佢都觉得好味。
张贴
