影片
更多
2021-12-28
808 浏览
星期日去太子做Facial，扮完靓就过始创食晚饭，本身想帮衬地库新开嘅餐厅，但奈何多人到一个点，唯有即刻转场。我哋逐层行吓，上咗三楼发现有间西餐厅「Amica」几有圣诞气氛🎄，而且又有唔少人食紧，就一于试吓。餐厅面积超大，分为室内同商场部份，座位众多，餐枱阔落。整体环境唔错👍，加上装修四正，拍拖或家庭聚会嚟呢度都好适合。菜式选择繁多🍽，凡点选主菜就可以用优惠价加配餐汤或饮品，计落都有著数嘅。店员会留意客人嘅用餐进度，适时上菜。炭烧西班牙橡果黑毛猪丨炭烧菠萝丨薯菜丨蜜糖芥末汁($188)，呢件猪鞍扒超正🐷，佢令到我朋友对猪改观，皆因猪扒有一定厚度，散发住炭烧香气，而且食落非常多汁，肉质又够软嫩，味道可媲美牛扒(利申: 我系牛魔王)。另一边厢，配菜同样发挥高水准，🍍菠萝酸甜开胃，连埋蜜糖芥末汁一齐食，同黑毛猪劲搭调。🥔薯菜包括有烤新薯、翠玉瓜、红萝卜同埋特制薯饼，后者好出色，薯仔片爽口，再捞埋少少芝士更加惹味。安格斯牛肉酱宽条面丨温泉蛋($88)，🍝肉酱同宽条面嘅比例近乎一比一，即系𩠌仲多过面咁济，每啖都好丰富滋味。店员介绍牛肉酱系餐厅自家制，肉酱味浓湿润，茄酸恰到好处🍅，另外仲有只温泉蛋
星期日去太子做Facial，扮完靓就过始创食晚饭，本身想帮衬地库新开嘅餐厅，但奈何多人到一个点，唯有即刻转场。我哋逐层行吓，上咗三楼发现有间西餐厅「Amica」几有圣诞气氛🎄，而且又有唔少人食紧，就一于试吓。
餐厅面积超大，分为室内同商场部份，座位众多，餐枱阔落。整体环境唔错👍，加上装修四正，拍拖或家庭聚会嚟呢度都好适合。
菜式选择繁多🍽，凡点选主菜就可以用优惠价加配餐汤或饮品，计落都有著数嘅。店员会留意客人嘅用餐进度，适时上菜。
炭烧西班牙橡果黑毛猪
$188
18 浏览
0 赞好
0 留言
炭烧西班牙橡果黑毛猪丨炭烧菠萝丨薯菜丨蜜糖芥末汁($188)，呢件猪鞍扒超正🐷，佢令到我朋友对猪改观，皆因猪扒有一定厚度，散发住炭烧香气，而且食落非常多汁，肉质又够软嫩，味道可媲美牛扒(利申: 我系牛魔王)。另一边厢，配菜同样发挥高水准，🍍菠萝酸甜开胃，连埋蜜糖芥末汁一齐食，同黑毛猪劲搭调。🥔薯菜包括有烤新薯、翠玉瓜、红萝卜同埋特制薯饼，后者好出色，薯仔片爽口，再捞埋少少芝士更加惹味。
安格斯牛肉酱宽条面
$88
19 浏览
1 赞好
0 留言
安格斯牛肉酱宽条面丨温泉蛋($88)，🍝肉酱同宽条面嘅比例近乎一比一，即系𩠌仲多过面咁济，每啖都好丰富滋味。店员介绍牛肉酱系餐厅自家制，肉酱味浓湿润，茄酸恰到好处🍅，另外仲有只温泉蛋捞汁添🍳。宽条面亦系亮点，面条约有2 cm阔，质感弹牙有嚼劲，而且阔度够，所以挂汁力强，食吓食吓好快成碟食晒。
抹茶窝夫丨红豆酱丨雪糕($68)，食完正餐意犹未尽仲想食甜品，我哋要咗窝夫🧇，窝夫本身整得唔错，质感外脆内软，但抹茶味唔算太显著🍵，不过红豆酱就够晒足，雪糕亦好匹配，但甜品味道就无咸食咁突出了。
日选餐汤(+$18)，🎃南瓜忌廉汤好浓郁，饮得出用上好多南瓜蓉打成，因此口感相对杰身。餐包选用意式软包，食落无法包咁干噌噌。
饮品方面🥤，我哋都转咗特饮(+$22)，分别系冻绿茶牛奶同冻蜜桃柠檬茶。前者奶味几重，味道唔会太甜，但绿茶味可以再浓啲；后者嘅蜜桃味同柠檬味相映成趣，茶底亦唔涩。
总括嚟讲，始创原来收埋咗间高质西餐厅👍，食物质素有水准，份量又够大碟。如果喺太子想食正宗口味西餐，可以考虑嚟呢度帮衬啊。
张贴
