影片
更多
2024-05-04
420 浏览
朋友带我嚟食印尼菜，呢间系佢家姐姐推介嘅餐厅，话啲嘢食正宗兼好味，价钱又贴地。七点几嚟到全场满座，我哋去咗张大枱度搭枱，虽然系楼梯底，但个位几阔落几好座，冷气十足仲好舒服添😆⭐咖啡沙冰Es Kopi Vanilla Smoothie 餐牌嘅特色饮品好多，有几款嘢都想试，睇嚟睇去就先试杯咖啡沙冰，虽然中文写系沙冰，但我觉得饮落似奶昔多啲，质感咁好杰身，咖啡味就系平时饮开嘅三合一𠮶只味啦😎⭐椰青Kelapa Muda朋友一向钟意饮椰青，所以佢今日都系拣咗椰青，冰冰冻冻都好好饮㗎👍⭐巴东牛肉饭Nasi Rendang港式巴东牛肉就成日食啦，今次试下印尼正宗嘅巴东牛肉，意外地原来系唔辣嘅，牛肉炆得好软腍，个酱汁咸咸地带啲香料香，送饭一流😋⭐烧牛仔骨饭Nasi Ika Bakar自己叫咗呢款烧牛仔骨饭，再转左斑兰饭，我见其他人个饭喺砌到一个塔咁，点解我呢款冇嘅🤔冇得靓靓打卡添。牛仔骨有四片，已剪开好易咬，朋友话个色水好似镇江骨，食落酸酸甜甜其实都真系有啲似㗎，伴碟除咗虾片，仲有一件炸茄子同埋一个杂豆糕，颜色靓靓之余仲好丰富㗎🤤⭐沙嗲鸡肉三串 & 沙嗲羊肉三串Sate Ayam 3 Tusuk &
七点几嚟到全场满座，我哋去咗张大枱度搭枱，虽然系楼梯底，但个位几阔落几好座，冷气十足仲好舒服添😆
⭐咖啡沙冰
Es Kopi Vanilla Smoothie
餐牌嘅特色饮品好多，有几款嘢都想试，睇嚟睇去就先试杯咖啡沙冰，虽然中文写系沙冰，但我觉得饮落似奶昔多啲，质感咁好杰身，咖啡味就系平时饮开嘅三合一𠮶只味啦😎
⭐椰青
Kelapa Muda
朋友一向钟意饮椰青，所以佢今日都系拣咗椰青，冰冰冻冻都好好饮㗎👍
⭐巴东牛肉饭
Nasi Rendang
港式巴东牛肉就成日食啦，今次试下印尼正宗嘅巴东牛肉，意外地原来系唔辣嘅，牛肉炆得好软腍，个酱汁咸咸地带啲香料香，送饭一流😋
⭐烧牛仔骨饭
Nasi Ika Bakar
自己叫咗呢款烧牛仔骨饭，再转左斑兰饭，我见其他人个饭喺砌到一个塔咁，点解我呢款冇嘅🤔冇得靓靓打卡添。牛仔骨有四片，已剪开好易咬，朋友话个色水好似镇江骨，食落酸酸甜甜其实都真系有啲似㗎，伴碟除咗虾片，仲有一件炸茄子同埋一个杂豆糕，颜色靓靓之余仲好丰富㗎🤤
⭐沙嗲鸡肉三串 & 沙嗲羊肉三串
Sate Ayam 3 Tusuk & Sate Kambing 3 Tusuk
本来想叫啲小食，但好似啲小食得下午茶先有得叫，最后我哋拣咗三串鸡肉同埋三串羊肉串烧，烧得几香口唔干身，个沙嗲汁好好味，不过个羊肉完全冇羊骚味，都唔系好食得出佢系咪真系羊肉添，哈哈🤭
⭐咸鱼通菜
Sayur Kangkung Cha Ikan Asin
本身叫虾酱通菜，但店员话其实马拉盏同虾酱系一样，个餐牌写错咗，呢款应该系咸鱼通菜，唔紧要呀，试下都好，碟菜好大碟，咸咸地都几好味，食到有咸鱼味，但目测见唔到🤔咁神奇嘅。
食完坐喺度一阵饮埋杯嘢，见店员开始大声播歌，原来餐厅收8点40分，哗，好早收门呀😳下次都系预早少少嚟食先，呵呵。
张贴
