萬發海鮮菜館 (已結業)

星期五同屋企人去万发食饭庆祝母亲节, 一行五人, 因为之前自己已食过几次, 所以一早叫阿哥去攞位, 否则 一般六点半过后就有排等啦!今次叫左五个菜, 有蜜椒牛柳, 石头饭,砵酒焗大鳝,豆腐斑南, 半只风沙鸡, 基本上呢几样我次次去都有叫, 砵酒焗大鳝就第一次, 我觉得好食, 又够味,份量又ok, 正,不过就要食快d, 因为放耐左d酒味会无左, 其实佢地个汁烧大鳝球都唔错,又香口, 不过砵酒焗大鳝就较有鱼鲜味!至于豆腐斑南呢, 其实次次去食味道都真系唔一样,唔系话唔好食, 系要撞彩睇佢用条鱼边个位去整, 上次去就多骨, 今次就都叫做啖啖肉, 但今次味就似乎差dd, 但系d鱼食落去都食得出系新鲜, so 所以我次次去都有叫~不过原来系唔平, 因为食左几次今次先有留意原来要盛惠一百大元ga ><石头饭系招牌菜,实叫无走鸡呀, 父母都话ok, 不过我就略嫌唔够饭焦~ 原来佢有个菠萝石头饭, 下次真系要试下先!风沙鸡皮脆肉滑,好食, 不过今次有d咸! 另外蜜椒牛柳呢, 经过上次无意间叫左黎食之后, 我系爱上佢, 肉腍得黎又唔会无晒d肉味, 合晒我阿爸口味, 当然屋企其他人都钟意