魔衣櫥咖啡廳 (已結業)

同家姐食饭，简间法国菜西班牙松脆包配鹅肉酱：第一次鹅肉酱，口感原来系咁似吞拿鱼架！法式多士好香脆，好夹呀！香煎吞拿鱼伴西米脆片，仲配有三文鱼籽，吞拿鱼系厨师好细心地将角切吞拿鱼四边都轻轻煎一煎，配西米脆片再加小小三文鱼籽好好食！马赛海鲜汤：有三文鱼、青口、蚬。好强烈既海鲜味呀！慢煮野生灰鲷鱼：配上柠檬汁，鱼质好滑超正！鱼下面系藜麦，平时都系冷食，第一次配上热食，觉得好夹好好味！慢煮法国黄鸡胸：平时食鸡胸好鞋身，但慢煮一啲都唔鞋，仲好嫩添！重点是酱汁！服务员介绍话个酱汁是用鸡既唔同部分，煮左几小时而成的！白酒忌廉汁蓝青口意粉：淡淡既白酒味不嬲都系配青口最正架啦，好味！焙茶芝士饼：食到好饱以为食唔落甜品，点知呢个饼一啲都唔溜仲好好味！配上一只蝴蝶🦋黑朱古力，食到成碟清晒！环境同餐具都好highclass，食物又有质素，很满意