客家人窯燒雞

营业中

休息中

朋友住呢度附近，话呢间窑烧鸡好值得试。今日经过附近，即刻买返只返屋企加𩠌。黎之前已经电话落左单，夹岩出炉时间。见到呢度的特大瓦缸，已经觉得好有风味。鸡经过慢火烤制，表面的皮已经烤到超级金黄，色泽闪亮。鸡先放入兜，然后入盒，拿返屋企都原全冇移位。原来铺头仲附送埋剪刀，手套同湿纸巾，非常贴心。打开的时候已经见到底下有很多鸡汁。我一边剪，d鸡汁都不断流出。鸡腔内原来仲放了迷迭香，香气四溢。呢只走地鸡，望落唔大只，但原来好厚肉，我地1家4口食都好够。鸡的皮就好似炸子鸡的皮咁脆，鸡肉腌得好入味，烤到熟度刚好。而且连鸡胸都很嫩滑多汁，十分有惊喜。大家极速KO,表示好耐都冇食过咁好味的烤鸡了。